كيف سيتأثر الإستحقاق الرئاسي بانهـ ـيار الأسد؟
كيف سيتأثر الإستحقاق الرئاسي بانهـ ـيار الأسد؟
الأيام عم تركض والكتل النيابية عم تجرب تلحّق حالها لتلاقي مرشح مناسب قبل الجلسة المحددة بـ 9 كانون الثاني.
فمن بعد سقوط نظام الأسد تراجعت بل سقطت معو حظوظ المشرحين المدعومين من المحور، وبلش رئيس تيار المرده سليمان فرنجية يعيد حساباتو وعالارجح يتراجع ويسلم المهمة لنايبو الكسرواني فريد الخازن، يلي عديلو النايب نعمت افرام سبقو واعلن ترشيحو من كم يوم.
ومن الأسماء اللي عم بتم تداولها ويلي تعتبر غير مستفزة اسم النائب إبراهيم كنعان، المدير العام للأمن العام بالانابة اللواء الياس البيسري، الوزير السابق زياد بارود، وزير الخارجية الأسبق والسفير السابق ناصيف حتّي.
ويبدو انو اسم رئيس حزب القوات سمير جعجع عم يرجع ينرفع من قبل بعض السياسيين، ورح نضل ناطرين متل ما قال تنشوف اذا الموضوع وارد او لاء بحساباتو بالوقت الحالي، الحسابات يللي مربوطة بكل التغيير يللي عم يصير بالشرق الاوسط وبالتوازنات الجديدة يللي ممكن تنعكس على لبنان.
الاسم الوحيد يلي كان وبعدو مترأس لائحة الأسماء هوي اسم قائد الجيش جوزاف عون، يلي بيحظى بتأييد شعبي داخلي كتير كبير واحترام من جميع اللبنانيين لأنو خارج الاصطفافات السياسية وخارج منظومة الفساد وبيقدر يفرض هيبة البلد بحاجة الها وقادر يرجّع علاقات لبنان العربية والغربية لعزّها…
لهلق ما في شي محسوم رئاسياً بس الأكيد انو الرئيس جايي بالـ2025 ، إذا التزم الرئيس بري بجلسة انتخابيّة مفتوحة وبدورات متتالية ووقّف كل المناورات السابقة يللي عطلت الانتخابات الرئاسية لأكتر من سنتين… المهم انو الرئيس بري يقرا منيح انو التوازنات الداخلية والخارجية تغيّرت وما بقى يجي رئيس مش سيادي…